सुनखानीमा बन्यो अस्थायी प्रहरी पोष्ट

लामोसाँघु । स्थानीयको शान्ति सुरक्षालाई मध्य नजर गर्दै सिन्धुपाल्चोकको सुनकोशी गाउँपालिका– ५ सुनखानीमा अस्थायी प्रहरी पोष्ट निर्माण गरिएको ।

प्रहरी पोष्टको एक कार्यक्रमबीच जिल्ला प्रहरी प्रमुख राजन अधिकारीले उद्घाटन गरेका छन् । ‘प्रहरी सबैको साथी हो’, अधिकारीले कार्यक्रमको अवसरमा भने– ‘राम्रो कामको लागि सयोग गर्नुहोस्, प्रहरी सदैव तपाईंहरुको साथमा छ ।’ अस्थाई पोष्टलाई स्थाई बनाउन सबैको दाईत्व भएको बताउँदै उनले प्रहरीलाई सहयोग गर्नुसमेत आग्रह गरे ।

कार्यक्रममा सुनकोशी गाउँपालिकाका अध्यक्ष श्रवणकुमार जिसी ‘विनोद’ले सुनखानीमा प्रहरी पोष्ट स्थापना भएकोमा खुसी ब्यक्त गर्दै सयोग गर्नुहुने सबैलाई धन्यवाद दिए । प्रहरी चौकी स्थापनका लागि महत्वपूर्ण भूमिका निर्वाह गरेका जिसीले यातायातका लागि प्रहरीलाई मोटरसाईकल उपलब्ध गराउने घोषणासमेत गरे । उनले साथै बैंकको लागि पनि पहल गरिदिने र अस्थाई चौकीलाई स्थाई पनि विशेष पहल र सयोग गर्ने बताए ।