कार्यसम्पादन मूल्याङ्कनमा सिन्धुपाल्चोक प्रहरी प्रथम

चौतारा । कार्यसम्पादन मूल्याङ्कनमा बागमती प्रदेशभरबाट जिल्ला प्रहरी कार्यालय सिन्धुपाल्चोक प्रथम भएको छ ।

कार्य सम्पादन सम्झौताको ‘मासिक मूल्याङ्कन मापदण्ड– २०७८’ अनुसार २०७८ श्रावणदेखि पौष महिनासम्मको मूल्याङ्कनमा जिल्ला प्रहरी कार्यालयतर्फ ८४.६७ अंकका साथ जिल्ला प्रहरी कार्यालय सिन्धुपाल्चोक उत्कृष्ट भएको हो ।

प्रथम हुन सफल जिल्ला प्रहरी कार्यालय सिन्धुपाल्चोकलाई बागमती प्रदेश प्रहरी कार्यालय हेटौँडाको तर्फबाट प्रशंसा पत्र प्रदान गरिएको छ ।