खाजा घरबाट नगद चोरी

भक्तपुर । मध्यपुरठिमी नगरपालिका– ४ स्थित सिन्धुपाल्चोक टेकनपुर त्रिपुरासुन्दरी गाउँपालिका– ६ घर भई हाल नयाँठिमी बस्ने ३६ वर्षीया सरस्वती बोहोराको एलएक्स भेराइटी खाजा घरबाट नगद १ लाख ६० हजार रुपैयाँ चोरी भएको छ ।

उक्त खाजा घरको काउन्टरको घर्राबाट अपरिचित पुरुषले उक्त नगद चोरी गरी फरार भएको भन्ने खबर प्राप्त हुनासाथ महानगरीय प्रहरी वृत्त ठिमीबाट खटिएको प्रहरीले चोरीमा संलग्न व्यक्तिको खोजी गर्नुका साथै यस सम्बन्धमा थप अनुसन्धान गरिरहेको जनाएको छ ।