तीन मुक्तक

एक:

मेटिदैन विधिको विधान बुझिदिने कसले
भएपछि पीडा अन्जान बुझिदिने कसले
दिल खुसी भए पो मीठो लाग्छ सबैकुरा
भित्र आँसु बाहिर मुस्कान बुझिदिने कसले ।।

दुई:

बसिरन्छ्न हेरिहेरी चर्को नबोल
बगाउदै गङ्गा भेरि चर्को अबोल
भित्ताको नि कान, हुन्छ रे सुनेको छु
छिमेकीले सुन्लान फेरी चर्को नबोल ।।

तीन:
डोरी पहिल्याउँदै ललाटसम्मको
भारी दाउरा अनि खाटसम्मको
असह्यय भयो चोट जिन्दगीको
अब तय गर्नुछ सफर घाट सम्मको ।।