अध्यक्षमा बस्नेत निर्विरोध, ४२ ले दिए उम्मेद्वारी

बाह्रविसे । चैत ७ मा तोकिएको सिन्धुपाल्चोक उद्योग वाणिज्य संघको निर्वाचनका लागि अध्यक्षमा होमबहादुर बस्नेत (राजकुमार) निर्विरोध चयन भएका छन् ।

बुधबार बिहान १० बजेबाट सुरु भएको उम्मेद्वारी दर्तामा अध्यक्ष पदका लागि बस्नेतबाहेक अन्यको उम्मेद्वारी नपरेपछि उनी निर्विरोध भएका हुन् । बस्नेत हालका बरिष्ठ उपाध्यक्ष हुन् । उनी क्षमादेवी ग्रुपसँग आवद्ध छन् । सबै राजनीतिक दल आस्था राख्ने सदस्यहरुले उनलाई समर्थन गरेकाले अध्यक्षमा निर्वरोध भएका हुन् । यसअघिकाका सबै अध्यक्षहरुले उनलाई अध्यक्षका लागि सघाएका थिए ।

संघको कार्यसमितिको पदाधिकारीका लागि सदस्यबाट प्रक्रियागत रुपमा मनोनित गरि छानिनेछ । उद्योगी, व्यवसायीहरुको छाता संगठन सिन्धुपाल्चोक उद्योग बाणिज्य संघको २५औं साधारण सभा तथा १०औं अधिवेशनका नयाँ नेतृत्वका लागि निर्वाचन हुन लागेको हो । संघमा २ हजार ३२ सदस्य छन् ।

४२ ले दिए सदस्यको उम्मेद्वारी

१७ सदस्यका लागि हुने मतदानका लागि तोकिएको मनोनयन दर्तामा ४२ जनाको उम्मेद्वारी दर्ता गराएका छन् । मनोनयन दर्ता आज विहान १० बजेबाट साँझ ५ बजेसम्म तोकिएको थियो ।

व्यवसायीहरु शम्भुबहादुर तिमिल्सिना, विदुरप्रसाद पराजुली, रामशरण बस्नेत, रमेश राउत, ध्रुव ठकुरी, रामकृष्ण बस्नेत, कुवेर श्रेष्ठ, सुरज पौडेल, उद्धव पौडेल, नवराज भट्टराई, तीर्थराज पौडेल, रमेश बस्नेत, विचारी पराजुली, रामचन्द्र कार्की, उमेश प्रधान, मन्दु थापा, शिवहरि श्रेष्ठ, रामशरण भण्डारी, प्रकाश आचार्य, राजेश श्रेष्ठ, रुपक धिताल, राजकपुर खत्री, राजकुमार सुवेदी, सोभियत पौड्याल, प्रकाश दाहालले सदस्यको उम्मेदवारी दिएका छन् ।

त्यस्तै विदुर खड्का, रामचन्द्र थापा, अजय तामाङ (केशबहादुर), कल्याणी घिसिङ, विनोद थापा, पुष्करप्रसाद धिताल, मोहनभक्त श्रेष्ठ, दिलिपराज गिरी, गोपाल श्रेष्ठ, अमृत कार्की, भेषबहादुर बस्नेत (राजेन्द्र), सूर्यबहादुर कार्की, इश्वर गुभाजू, सन्तोष सापकोटा, जगन्नाथ चालिसे, होमनाथ तिमल्सिना (नवराज) र प्रदिप पौडेल पनि सदस्यको उम्मेदवारी दिएका छन् ।

मनोनयन फिर्ता गर्नका लागि ६ गते बिहान १० गतेसम्म समय तोकिएको छ ।