स्वास्थ्य शिविरबाट ७ सयले लिए सेवा

मेलम्ची । थाङ्पालधापमा शनिबार आयोजित स्वास्थ्य शिविरमा ७ सय जनाले स्वास्थ्य सेवा लिएका छन् । कुमारी बैंक लिमिटेडको २०औँ बार्षिक उत्सवको अवसरमा शिविरको आयोजना गरिएको थियो ।

शिविरमा साधारण, हाड, चर्म तथा यौन, दन्त, बाल मनोरोग, स्त्री, मधुमेह, नाक कान घाँटी लगायत रोगको परीक्षण तथा औषधी वितरण गरिएको थियो । त्यसको अलवा भिडियो एक्सरेको सेवा समेत रहेको सह–आयोजक थाङ्पालधाप साना किसान कृषि सहकारी संस्था लिमिटेडका अध्यक्ष शिशिर वाईबाले जानकारी दिए । शिविरमा काठमाडौ मेडिकल कलेजका डाक्टर कोमल विक्रम थापा लगायत टीम, मेलम्ची प्राथामिक स्वास्थ्य केन्द्र र पाँचपोखरी थाङ्पालका स्वास्थ्यकर्मीहरुले सेवा प्रदान गरेका थिए ।

गम्भीर प्रकृतिका बिरामी तथा अपरेशन गर्नुपर्नेलाई काठमाडौ मेडिकल कलेजमा ५० प्रतिशत छुट गरिएको आयोजक कुमारी बैंक मेलम्चीका शाखा प्रबन्धक विनोद भक्त श्रेष्ठले जानकारी दिए । शिविरको पाँचपोखरी थाङ्पाल गाउँपालिकाका अध्यक्ष टासी लामाले उद्घाटन गरेका थिए ।