सिन्धुका व्यवसायीद्वारा बाढीपीडितलाई सहयोग

मनाङ । जेठको अन्तिममा मनाङको चामे, नासु र मनाङ मर्याङ्दी खोलामा आएको बाढीले क्षति वेहोरोका पीडितहरुलाई सिन्धुपाल्चोकका व्यवसायीहरुले सहयोग गरेका छन् ।

बाढी प्रभावित स्थानीयलाई सिन्धुपाल्चोक उद्योग वाणिज्य संघ र नेपाल हिमालय सीमापार वाणिज्य संघले संयुक्त रुपमा लमजुङमा पुगेर राहत सामग्री सहयोग गरेका हुन् । व्यवसायीहरुले २ सय बोरा चामलसहित २५ बोरा दाल, २० बोरा नुन, २५ कार्टुन तेल, १० बोरा चिउरा र १ सय ५० कार्टुन चाउचाउ सहयोग गरेको सिन्धुपाल्चोक उद्योग वाणिज्य संघका अध्यक्ष होमबहादुर बस्नेत(राजकुमार) ले बताए । ती सामग्री मस्र्याङ्दी होटल चेयरम्यान कान्छा गुरुङ सहित होटल व्यवसायीहरु त्रिपल गुरुङ र पाल्यासाङ गुरुङलाई हस्तान्तरण गरिएको हो ।

मनाङसम्म पुग्नको लागि सडक यातायात नभएकोले लमजुङसम्म सडकबाटै ती सामग्री पुर्याईएको हिमालय सीमापारका निवर्तमान अध्यक्ष बच्चु पौडेलले बताए । सामग्री वितरण गर्दा सिन्धुपाल्चोकका तर्फबाट उवासंघका निवर्तमान अध्यक्ष बेदबहादुर श्रेष्ठ, सदस्य भुपेन्द्र भण्डारी, आजिवन सदस्य रामबाबु श्रेष्ठ एवम् हिमालय सीमापारका उपाध्यक्ष सुजित बस्नेत सहभागी भएका थिए ।

त्यस्तै लमजुङ उद्योग वाणिज्य संघका अध्यक्ष गुणराज सिग्देल र निवर्तमान अध्यक्ष राजेश थापाले धन्यवाद व्यक्त गरेका थिए ।