जवरजस्ती करणी मुद्दाका फरार पक्राऊ

चौतारा । जवरजस्ती करणी मुद्दामा कैद १० वर्ष सजाय भई फरार रहेका एक व्यक्तिलाई प्रहरीले पक्राउ गरेको छ ।

चौतारा साँगाचोकगढी नगरपालिका– १ स्थायी घर भएका ५३ वर्षका दिलबहादुर भन्ने सोमे तामाङलाई प्रहरीले पक्राउ गरेको छ । काठमाण्डौमा लुकिछिपी बसेका विशेष सूचनाको आधारमा असार २३ गते सिन्धुपाल्चोकबाट खटिएको प्रहरी टोलीले उनलाई गोकर्णबाट पक्राउ गरेको हो ।

पक्राउ गरिएको उनलाई सिन्धुपाल्चोक जिल्ला अदालतमा दाखिला गरी कारागार चलान गरिएको प्रहरीले जनाएको छ । तामाङलाई फैसला भएको मितिबाट १५ वर्ष ४ महिना २ दिन पछी पक्राउ गरिएको प्रहरीले जनाएको छ ।