एमसीसीको बिरोधमा प्रदर्शन

काठमाडौ । अमेरिकी सहयोग परियोजना मिलेनियम च्यालेञ्ज कर्पोरेसन (एमसीसी) को बिरोधमा शनिबार काठमाडौंको माइतीघरमा प्रदर्शन गरिएको छ ।

स्वतन्त्र रास्ट्रिय अभियान नेपाल (उन्नत लोकतन्त्र पार्टी) ले नाराजुलुस सहित माईतिघर पुगेर विरोध जनाएको हो । एमसीसीको सहयोग सम्झौता नगर्न दबाब दिने उद्देश्यले ती प्रदर्शन गरिएको कार्यक्रममा संयोजक स्वागत नेपालले जनाए । प्रदर्शनमा सहभागीहरुले ‘एमसीसी चाहिँदैन, देश बेच्न पाइँदैन’, ‘एमसीसी परियोजना खारेज गर’ लगायतका नारा लगाएका थिए ।

त्यस्तै प्रदर्शनकारीहरुले ‘राष्ट्रघाती एमसीसी सम्झौता खारेज गरौं, राष्ट्रिय सार्वभौमिकताको रक्षा गरौं’, ‘एमसीसी सम्झौता चाहिँदैन, नेपाललाई उपनिवेश बनाउन पाइँदैन’, ‘राष्ट्रिय स्वाधिनताको रक्षा गरौं’, लगायत लेखिएका प्लेकार्ड पनि बोकेका थिए ।