वाइसीएलद्वारा बाढी प्रभावितलाई सहयोग

मेलम्ची । शनिबार बिहानैदेखि बाढीग्रस्त क्षेत्र मेलम्ची, बाहुनेपाटीमा वाइसीएल नेपाल सिन्धुपाल्चोकले प्रभावितहरुलाई राहत वितरण सुरु गरेको छ ।

नेकपा (माओवादी केन्द्र)का केन्द्रिय सदस्य एवम् बागमती प्रदेश सरकारका पूर्व सामाजिक विकास मन्त्री युवराज दुलालले वाइसीएललाई बाढी प्रभावितहरुलाई सहयोग गर्न निर्देशन दिएलगत्तै वाइसीएल नेपाल सिन्धुपाल्चोकका अध्यक्ष रुपेन्द्र आचार्यको नेतृत्वमा बाढीले खेतीयोग्य जमिन गुमाएका सो क्षेत्रका ८० घर माझी समुदायलाई चामल, दाल लगाएत खाद्यान्न सामग्री उपलब्ध गराइएको हो। राहत वितरण गर्न दुलाल समेत सो क्षेत्रमा खटिएका छन् ।

वाइसीएलले शनिबार दिनभर बाढीको उच्च जोखिममा रहेको मेलम्ची क्षेत्रको नदी किनारामा तटबन्द गर्ने जनाएको छ ।