मेलम्ची खोलामा लास फेला

तालामाराङ । सिन्धुपाल्चोकको हेलम्बु गाउँपालिका– ४ ढुङ्गेबजार स्थित मेलम्ची खोलामा लास फेला परेको छ ।

सो लास मेलम्ची नगरपालिका– ६ तालामाराङ बस्ने ६५ वर्षिय हिराबहादुर थापाको भएको प्रहरीले जनाएको छ । खोलाको बीचमा मानिस जस्तो बस्तु देखिएको भन्ने जानकारी पाएपछि प्रहरी घटनास्थल पुगेको थियो । ‘मृतक बिहान ६ बजे खेतमा जान्छु भनि गएको तर नफर्किएको भन्ने परिवारको भनाई र अनुसन्धान पछि लास उनैको हो भन्ने सनाखत भएको छ’, जिल्ला प्रहरी कार्यालय सिन्धुपाल्चोकका प्रहरी नायव उपरीक्षक दक्षकुमार बस्नेतले भने ।

घटना सम्बन्धि थप अनुसन्धान भईरहेको प्रहरीले जनाएको छ ।