श्रेष्ठले जिते अमेरिकाको ब्रानफोर्ड नगर सदस्य

ब्रानफोर्ड । सिन्धुपाल्चोक चौतारामा जन्मिएका रामचन्द्र श्रेष्ठ कनेटिकट राज्यको ब्रान्फोड क्षेत्र नं ४ को आर टिएम पदमा निर्वाचित भएका छन् ।

निर्वाचनमा श्रेष्ठ डेमोक्रेटिक पार्टीकातर्फबाट विजयी भएका थिए । २५ वर्षअघि क्यानाडा हुँदै अमेरिका पुगेका श्रेष्ठ रेष्टुरेष्ट व्यवसाय सञ्चालन गरी ब्रान्फोर्ड बस्दै आएका छन् ।

४ वर्षअघिबाट डेमोक्रेटिक पार्टीमा सक्रिय रहेका श्रेष्ठले आफ्नो जितलाई नेपाली मूलका सबैको जित भएको बताएका छन् । भुगोल र संख्याका आधारमा ६ सिट रहेको सहरमा आफू सदस्यका रुपमा निर्वाचित भएको जानकारी दिए ।

५३ वर्षीय श्रेष्ठले आफ्नो कार्यकालमा सहरलाई अझै विकसित कसरी बनाउने, कर प्रणालीमा सुधार गर्ने विद्यालयको प्रणालीलाई सुधार गर्ने विषयमा केन्द्रित हुने बताएका छन् ।