भोटेकोशीका १ सय ७० युवा माओवादी केन्द्रमा प्रवेश

तातोपानी । भोटेकोशी गाउँपालिका– ५ बाट एमाले र नेपाली कांग्रेस परित्याग गरी १ सय ७० भन्दा बढी युवाहरु नेपाल कम्युनिष्ट पार्टी (माओवादी केन्द्र)मा प्रवेश गरेका छन् ।

नेपाल कम्युनिष्ट पार्टी (माओवादी केन्द्र) भोटेकोशी गाउँपालिका– ५ को प्रथम वडा सम्मेलनमा उनीहरु प्रवेश गरेका हुन् । उनीहरुलाई नेकपा (माओवादी केन्द्र) का केन्द्रिय सदस्य माधव सापकोटा, बाग्मती प्रदेश सचिवालय सदस्य तथा जिल्ला सहइन्चार्ज सरल सहयात्री पौडेल, भोटेकोशी गाउँपालिका अध्यक्ष राजकुमार पौडेललगायतले स्वागत गरेका थिए ।

सो कार्यक्रममा केन्द्रिय सदस्य सापकोटाले चुनाव माओवादी पार्टीको माध्यम मात्रै भएको बताए । ‘माओवादी केन्द्र सधै दिन दुःखी, गरीब जनतालाई सुखी समृद्धि बनाउने पार्टी हो’, उनले भने– ‘चुनाव सत्ता प्राप्त गर्ने एउटा माध्यममात्रै हो, हामी सदैव जनताको लागि काम गछौं ।’

सम्मेलनमा बाग्मती प्रदेश सचिवालय सदस्य तथा जिल्ला सहइन्चार्ज सरल सहयात्री पौडेल, भोटेकोशी गाउँपालिका अध्यक्ष राजकुमार पौडेललगायतले सम्बोधन गरेका थिए । अधिवेशनबाट वडा अध्यक्षमा कुइसाङ शेर्पा, उपाध्यक्ष सुब्बा तामाङ, सचिव गणेश अधिकारी, सह–सचिव बहादुर शेर्पा गरी २९ सदस्यीय वडा समिति निर्माण गरिएको छ ।