हेलम्बु आगोलागि हुँदा ३ को मृत्यु

चौतारा । सिन्धुपाल्चोक हेलम्बु गाउँपालिका– ७ मा आगोलागि हुँदा ३ जनाको मृत्यु भएको छ ।

सोमबार (आज) साँझ ७ बजेको समयमा सन्च तामाङको ढुङ्गा माटोले बनेको, टिनले छाएको एक तले गोठमा आगोलागि हुदाँ तामाङको ६ वर्षिय छोरा मनोज तामाङ, सुकुमान तामाङको छोरा वर्ष ५ को मनिस तामाङ र साईला तमाङको छोरा वर्ष ५ को दिलबहादुर तामाङको मृत्यु भएको जिल्ला प्रहरी कार्यालय सिन्धुपाल्चोकको प्रहरी नायव उपरीक्षक दक्षकुमार बस्नेतले जानकारी दिए ।

आगोलागिको जानकारी प्राप्त भए लगत्तै स्थानीय र प्रहरी सो स्थानमा पुगि पूर्ण रुपमा नियन्त्रणमा लिएको थियो । घटनाबारे थप अनुसन्धान भईरहेको प्रहरीले जनाएको छ ।