चौरी कृषकलाई उपकरण वितरण

गुम्बा । सिन्धुपाल्चोकको जुगल गाउँपालिकाका माथिल्लो भेगमा चौरी पालन गरि जीविकोपार्जन गरिरहेका कृषकहरुलाई व्यवसायिक प्रोत्साहनका लागि विभिन्न उपकरण वितरण गरिएको छ ।

उनीहरुलाई छुर्पी बनाउने उपकरण, घीउ छुट्याउने उपकरण, पोर्टेवल सोलार सेट, त्रिपाल लगाएतका सामग्री वितरण गरिएको हो । सो पालिकाको तेम्बाथान, क्याङसिङ, गुम्बा, पागर्पुका ६२ परिवार चौरीपालक किसानहरुलाई सो उपकरण हस्तान्तरण गरिएको गाउँपालिका प्रशासकीय अधिकृत लोकबहादुर विकले बताए ।