बाँस, निगालोबाट आत्मनिर्भरतातर्फ महिला

बरुवा । पाँचपोखरी थाङ्पाल गाउँपालिका– २ बरुवाका महिलालाई आत्मनिर्भरतातर्फ लैजान बाँस र निगालोको हस्तकला तालिम दिईएको छ ।

गरिबी निवारणका लागि लघुउद्यम विकास कार्यक्रम अन्तर्गत पाँचपोखरी थाङ्पाल गाउँपालिका उद्यम विकास शाखाको आयोजनामा भएको सो तालिममा आठ जना महिलाहरु सहभागी छन् । बरुवाको विकट गाउँ डालेमा सञ्चालित तालिम एक महिना सञ्चालन हुने उद्यम विकास शाखा प्रमुख दिपेन्द्र पौडेलले जानकारी दिए ।

तालिममा बाँसको टेबल, कुर्सी, घडी, ऐनाको फ्रेम लगायतका सामग्री बनाउन सिकाइने सहभागीहरुलाई सहजीकरण गरिरहेका तीर्थलाल श्रेष्ठले बताए ।