लिस्तीकोटमा स्वास्थ्य प्रयोगशाला सञ्चालन

तातोपानी । भोटेकोशी गाउँपालिकाको ग्रामीण भेगमा रहेको लिस्तीकोट स्वास्थ्य चौकीमा स्वास्थ्य प्रयोगशाला सञ्चालनमा ल्याईएको छ ।

प्रयोगशालाको उद्घाटन एक कार्यक्रमकाबीच गाउँपालिकाका अध्यक्ष राजकुमार पौडले गरे । ग्रामीण भेगमा विभिन्न रोग पहिचानका लागि आवश्यक पर्ने प्रयोगशालाहरु निर्माण नहुँदा धेरै समस्या भोग्नु परेकोले प्रयोगशाला सञ्चालनमा ल्याईएको अध्यक्ष पौडेलले बताए ।

उद्घाटन कार्यक्रममा पालिका उपाध्यक्ष दाबुटी शेर्पा, प्रमुख प्रशासकीय अधिकृत भद्रबहादुर बस्नेत, जनस्वास्थ्य प्रमुख दुर्गादत्त चापागाई, स्वास्थ्य संयोजक भुपेन्द्रलाल श्रेष्ठलगायतको उपस्थिति रहेको थियो । कार्यक्रमकै बीच साथै सुनौलो हजार दिनका आमाहरुलाई घ्यू, अन्डा र ५ हजार ८ सय रुपैंयासमेत वितरण गरिएको थियो ।

गाउँमै प्रयोगशाला सञ्चालन भएपछि स्थानीयहरुले खुशी ब्यक्त गरेका छन् । गाउँपालिकाले यस क्षेत्रमा गरेको स्वास्थ्य क्षेत्रको विकासले धेरै राहत महसुस गर्न पाएको स्थानीयहरुको भभनाई छ ।