गजल

नहुँदा नहुँदै छाडेर जाने रहर छाडेर जान्छ
एक बेरोजगार बाध्यताले घर छाडेर जान्छ ।

जरूरत रहुन्जेल हो सबै साथमा रहिरहने,
पानी सुकेपछि खोला, बगर छाडेर जान्छ ।

काग आउँछ, कराउँछ सुकेको रुखमा बसी,
सधैं हामीलाई दुःखद खबर छाडेर जान्छ ।

जिन्दगी के हो? यही सोचेर जिन्दगी बित्यो,
जवाफ भेटिन, के मृत्युले उत्तर छाडेर जान्छ ?

पत्थरको भन्दा बलियो मन बनाईछे उस्ले,
जो एक झगडाले जिन्दगीभर छाडेर जान्छ ।
०००

गोरखा