सडक अवरुद्ध भएपछि खुलाउन डोजर लिएर पुगे वडा अध्यक्ष रवि लामा

सेर्माथान । जुगल गाउँपालिका वडा नं. ७ स्थित सेर्माथान भीरमा पहिरो झरेको छ ।

आईतबार बिहान करिब ११ बजे तिर खसेको पहिरोले जुगल याङ्लाकोट आउजाउ हुने बाटो अवरोध भएपछि सवारी साधान सबै रोकिएको थियो । पहिरो गएलगत्तै वडा अध्यक्ष रवि लामाले स्काईभेटर लिएर सो स्थल पुलेका थिए । अहिले पहिरो हटाउँदै रोकिएको बाटो खुलाउने प्रयास गरिरहेको वडा अध्यक्ष तामाङले बताए । ‘पहिरो निकै ठूलो खसेकोले हटाउन समय लागिरहेको छ’, तामाङले भने ।

साँझसम्ममा पहिरो लगभग हटाईसकेको र दैनिक सञ्चालन हुँदै आएको सर्बजनिक बस समेत पार गरेको उनले जानकारी दिए । ‘यो भीरमा सँधैजसो मनसुनको समयमा पहिरो खसिराख्ने भएकोले यसले आवतजावतमा निकै कठिनाइ भैरहेको छ’, लामाले भने– ‘यसको दीर्घकालिन उपायको बारे छलफल भईरहेको छ ।’