बलेफीको तीन गाँउमा ‘एक घर, एक धारा’

ढाडे । गैरसरकारी संस्था आइस्याप (आइएसएपी)को संयोजन र जापानी अन्तराष्ट्रिय गैरसरकारी संस्था पिसवीण्डको लगानीमा बालेफी गाउँपालिकाका तीनवटा गाउँमा सञ्चालित खानेपानी आयोजना सोमबार गाउँपालिकालाई हस्तान्तरण गरेको छ ।

खानेपानी पहुँच तथा कृषि आय सुुधार आयोजना अन्तर्गत सञ्चालित खानेपानी आयोजना बलेफी गाउँपालिका वडा नं. ४ को केउरिनी, ढाँड र वडा नं. ६ मा अवस्थित आचार्य टोलका स्थानीय उपभाेक्ता लाभान्वित भएका छन् । आयोजना गाउँपालिका दुवै वडाका वडा अध्यक्षको रोहवरमा पालिका अध्यक्ष गंगाबहादुर तामाङलाई बलेफी वडा नं. ४ स्थित केउरिनीमा एक कार्यक्रमकाबीच आयोजना हस्तान्तरण गरेको हो ।

आयोजना हस्तान्तरण कार्यक्रममा तीन वटै गाउँबाट सयौंको संंख्यामा उपभोक्ता, समाजसेवी, बुद्धिजिबी, दुवै वडाका प्रतिनिधिहरु, आइस्याप र पिसवीण्ड्सका पदाधिकारीहरुको बाक्लो उपस्थिती रहेका थियाे । कार्यक्रममा बोल्दै बलेफी गाउँपालिकाका अध्यक्ष गंगाबहादुर तामाङले आयोजना टोलीले गरेको कामको प्रशंसा गर्दै धन्यबाद ज्ञापन गरेका छन् । संस्थाले खानेपानी वितरणको सवालमा पालिकाले गर्न नसकेको काम आइस्यापले पूरा गरेको उनले बताए ।

सम्पन्न भएका आयोजनालाई दिगो सञ्चालन गर्नको निम्ति योजनाबद्ध ढंगले संरक्षण संबर्धन गरिने विश्वाससमेत तामाङले ब्यक्त गरेका छन् । उनले आगामी दिनमासमेत कृषिक्षेत्रमा यही संस्थासँग सहकार्य गर्दै काम गर्न चाहेको धारण राखे । कार्यक्रममा खानेपानी आयोजनाको टीम लिडर रामचन्द्र भुसालले जापनिज राजदुतावासद्धारा खानेपानी उपभोक्ता समूहहरुलाई पठाइएको सुभकामना सन्देश बाचन गर्दै खानेपानी आयोजनाको महत्व, उक्त आयोजनाले उपभोक्ताले स्च्छ खानेपानी प्राप्त गर्नुका साथै जीवनस्तर उकास्नसमेत महत्वपूर्र्ण भूमिका खेल्ने आशा ब्यक्त गरेका थिए ।