जन्म दिनको अवसरमार जेहेन्दार विद्यार्थीलाई ट्रयाकसुट वितरण

चौतारा । सिन्धुपाल्चोकको चौतारामा रहेको बनदेवी माध्यमिक विद्यालयमा अध्यनरत १५ जना गरिब तथा जेहेन्दार विद्यार्थीहरुलाई ट्रयाकसुट वितरण गरिएको छ ।

विद्यालय व्यवस्थापन समितिका अध्यक्ष अर्जुनबहादुर विकको ६३औं जन्म दिनको अवसरमा बुधबार विद्यार्थीहरुलाई ट्रयाकसुट वितरण गरिएको हो । प्ले ग्रुपका दोर्जे तामाङ, इसिडिका फूर्वा तामाङ, एलकेजीका ममता घलेलगायतका १५ गरिब तथा जेहेन्दार विद्यार्थीलाई ट्रयाकसुट वितरण गरिएको विद्यालयका प्रधानाध्यापक दिपक राईले जानकारी दिए ।

जन्मदिन फजुल खर्च गरी मनाउनु भन्दा केहि सामाजिक काम गरी मनाऔं भन्ने उद्देश्यले विद्यालयका जेहेन्दार विद्यार्थीलाई केहि मात्रामा भइपनि सहयोग पुगोस् भन्ने हेतुले ट्रयाकसुट वितरण गरी मनाईएको अर्जुनबहादुर विकले बताए ।