अखिल क्रान्तिकारी जुगल द्वारा आयोजित मावि स्तरीय हाजिरी जवाफ प्रतियोगिता सम्पन्न

जुगल ढाडे:अन्तर्राष्ट्रिय साक्षरता दिवसको अवसरमा अखिल नेपाल स्वतन्त्र विद्यार्थी युनियन ( क्रान्तिकारी )द्वारा “जुगलको अभियान प्रतिभा पहिचान” कार्यक्रम अन्तरगत माध्यमिक तह स्तरीय हाजिरी जवाफ प्रतियोगिता सम्पन भएकाे छ।

उक्त कार्यक्रम क्रान्तिकारीका अध्यक्ष अच्युत अधिकारीको अध्यक्षतामा जुगल गाउँपालिका अध्यक्ष रेशम स्याङबोको प्रमुख आतिथ्यतामा सम्पन्न भएको हो।

अन्तर्राष्ट्रिय साक्षरता दिवसको अवसरमा अखिल नेपाल स्वतन्त्र विद्यार्थी युनियन ( क्रान्तिकारी )द्वारा “जुगलको अभियान प्रतिभा पहिचान” कार्यक्रम अन्तरगत माध्यमिक तह स्तरीय हाजिरी जवाफ प्रतियोगितामा श्री रत्न राज्य माध्यमिक विद्यालय जुगल ५ चनौटेको ग्रुप A प्रथम हुन सफल भएको छ ।यस्तै प्रतियोगितामा श्री काली देवी माध्यमिक विद्यालय जुगल ४ पाङताङ द्वितीय र रत्न राज्य माध्यमिक विद्यालय ग्रुप A टीम तृतिय र जुगल माध्यमिक विद्यालय जुगल ६ चौथो स्थान हासिल गर्न सफल भएको थियो ।प्रथम, द्वितीय तथा तृतीय र चौथो हुने प्रतियोगीलाई प्रमाण पत्र प्रदान गरिएको थियो ।८ वटा माध्यामिक विद्यालयहरू सहभागिता रहेको थियो ।

सो अवसरमा जुगल गाउँपालिकाका अध्यक्ष रेशम स्याङबोले विद्यार्थीहरुलाई बाह्रय ज्ञान आर्जनका लागि यस्तो खालको कार्यक्रम उपलब्धिमुलक रहने बताए । पाठ्यक्रममा आधारित शिक्षाले मात्र विद्यार्थीहरुको क्षमताको विकास नहुने भन्दै उनीहरुको बौद्धिक तथा मानसिक विकासका लागि आगामी दिनमा पनि ज्ञानवद्र्धक कार्यक्रम गर्न गाउँपालिकाले साथ सहयोग गर्ने बताए।

उक्त कार्यक्रममा जुगल गाउँपालिका प्रमुख प्रशासकीय अधिकृत प्रबेश बढुवाल , शिक्षा अधिकृत प्रदीप पराजुली , नेपाल कम्युनिष्ट पार्टी माओवादी केन्द्र बागमती प्रदेश सदस्य,जुगल गाउँपालिका इन्चार्ज अम्बिका नेपाल, क्रांतिकारी बागमती प्रदेश मुख्य सचिब रञ्जित आचार्य, क्रान्तिकारी जिल्ला अध्यक्ष क्षितिज तामाङ, सचिब सुबाश गौतम, जुगल गाउँपालिका इन्चार्ज दुर्गा श्रेष्ठ, शिक्षक विद्यार्थी लगायतको सहभागितामा कार्यक्रम सम्पन्न भएको छ।