बौद्धिक अपाङ्ता बालबालिकालाई हाम्रो जन्मभूमिले गरायो भोजन

चौतारा । हाम्रो जन्मभूमि समाजिक संस्थाले सिन्धुपाल्चोकको चौतारामा रहेको बौद्धिक अपाङ्गता अभिभावक संघले सञ्चालन गरेको छात्रावासमा बालबालिकालाई एक दिवसीय भोजन कार्यक्रमको गरेको छ ।

श्री कृष्ण आधारभूत विद्यालयमा परिसरमा रहेको छात्राबासमा सातजना आवाससहितको सुविधामा अध्ययन गरिरहेका छन् । शुक्रबार भएको कार्यक्रममा संस्थाको अध्यक्ष गीता श्रेष्ठले बालबालिकाका लागि पोषणयुक्त खाद्यान्न खरिदका लागि पाँच हजार रुपैंयासमेत सहयोग गरेकी थिईन् । सहयोग रकम बौद्धिक अपाङ्ताका अभिभावक संघ सिन्धुपाल्चोककी अध्यक्ष जानकी श्रेष्ठलाई हस्तान्तरण गरिएको थियो ।

समाजिक अभियानमार्फत शिक्षा, स्वास्थ्य र सिंगो मानवताको पक्षमा विभिन्न कार्य गर्दै आइरहेको यो संस्थाले स्थापनाको एकवर्ष भित्रमा गरेको २५औं कार्यक्रम हो । कार्यक्रममा चौतारा साँगाचोकगढी नगरपालिका वडा नं. ५ का पूर्व वडा अध्यक्ष नरमान श्रेष्ठले हाम्रो जन्मभूमि सामाजिक संस्थाले समाजको विविध पाटोमा खेल्दै आएको भूमिकाको प्रशंसा गरे । ‘यो संस्थाले छोटो समयमा धेरै महत्वपूर्ण काम गरेको पाएको छु’, उनले भने ।

सिन्धुपाल्चोकमा दर्ता भएको यो संस्थाले सामाजिक सञ्जालको प्रयोग गर्दै देशभर आफ्ना गतिविधि सञ्चालन गरिरहेको छ । कार्यक्रममा नेपाल पत्रकार महासंघ सिन्धुपाल्चोकको अध्यक्ष जीवन श्रेष्ठले सामाजिक सञ्जालको दुरुपयोग बढिरहेको अवस्थामा हाम्रो जन्मभूमिले त्यसको सदुपयोग गर्दै सामाजिक कार्यमा अग्रसर भएको प्रति संस्थाको प्रशंसा गर्दै उदारणीय बनेको बताए ।

एक दिवसिय भोजन कार्यक्रमका बौद्धिक अपाङ्ताका अभिभावक संघ सिन्धुपाल्चोककी अध्यक्ष जानकी श्रेष्ठ, भिन्तुना आमा समूहकी सचिव विन्दु घलेले संस्थाले समाजिक र मानवीय क्षेत्रमा पुर्याउँदै आएको योगदान सह्रानीय भएको भन्दै संस्थाको प्रगतिको शुभकामना प्रदान गरेका थिए ।

‘केहि सामाजिक काम गरौं भन्ने भावनाका साथ हामी समाजिक सञ्जाल टिकटकमा जोडिएको केही व्यक्तिहरुको सामूहिक प्रयासबाट सो संस्थाको गठन भएको हो’, कार्यक्रममा संस्थाको उद्देश्यबारे प्रष्ट्याउँदै अध्यक्ष गीता श्रेष्ठले भनिन्– ‘यो संस्थाले ओझलमा रहेका र बढी सहयोगको आवश्यकता रहेका क्षेत्रमा सहयोगको कार्यक्रम गर्दै आएको छ ।’ संस्थाको सदस्यहरु, आजीवन सदस्य र केहि मनकारी व्यक्तिहरुको सहयोगबाट देशभर यस्ता कार्यक्रमहरु सञ्चालन गर्दै आएको उनले बताईन् ।

त्यस्तै शुक्रबार नै सो संस्थाले २६औं कार्यक्रम अन्तर्गत काठमाण्डौं कलंकी रविभवन- १३ स्थित बृद्धाश्रम व्यवस्था तथा सामाजिक कल्याण गुठी आमा घरमा बृद्धाश्रमामा आश्रित बृद्धाहरुका लागि एक दिवसीय भोजन कार्यक्रमको आयोजना गरेको छ । हाम्रो जन्मभूमि सामाजिक संस्थाका बरिष्ठ उपाध्यक्ष लेखबहादुर श्रेष्ठ सागरको सभापतित्वमा भएको कार्यक्रममा करिव ३० जना बृद्धालाई भोजनको व्यवस्थापन गरिएको थियो ।

स्थापनाको छोटो समयमा नै आफ्नो बेगल पहिचान बनाउन सफल हाम्रो जन्मभूमि समाजिक संस्थाले यसअघि पनि क्यान्सर, मृगौला पीडितहरुका लागि उपचार गर्न आर्थिक सहयोग प्रदान गरेको थियो ।