हिराहरिले गर्यो शुभकामना आदानप्रदान

चौतारा । हिराहरि तेक्वान्दो डोजाङले आउँदै गरेको पर्व विजया दशमी, दीपावाली, छठ, ल्होसारको उपलक्ष्यमा शुभकामना आदानप्रदान कार्यक्रम गरेको छ ।

विहीबार चौताराको टुँडिखेलस्थित डोजाङको प्रशिक्षण कक्षमा भएको कार्यक्रममा शुभकामना प्रदान गर्दै चौतारा साँगाचोकगढी वडा नं. ५ का सदस्य रामबहादुर घलेले खेल क्षेत्रबाट समाजको विकास गर्न सकिने बताए । ‘खेलक्षेत्र भनेको अनुसाशित क्षेत्र हो, यसले अनुसाशन सिकाउँदछ’, उनले भने– ‘खेलको माद्यमबाट हामीले देशको नाम उँचो बनाउनुको साथै समाजको विकासमा योगदान पु¥याउन समेत सक्छौं ।’

कार्यक्रममा बागमती प्रदेश खेलकुद परिषदको बोर्ड सदस्य निरन्जन थापा मगर, जिल्ला फुटबल संघ सिन्धुपाल्चोकका अध्यक्ष अमृतमान श्रेष्ठ, ग्लोबलपाटी डटकमका सम्पादक सुनदर शिरीष, खुलापाना डटकमका सम्पादक विजय नेपाल, सञ्चारकर्मी केशव अधिकारीलगायतले आउँदो चाडपर्वको शुभकामना दिँदै हिराहरी तेक्वान्दो डोजाङले खेलक्षेत्रमा गरेको योगदानको चर्चा गरेका थिए ।

कार्यक्रमकै बीच जुनियर ग्रेडिङको र कालो पेटीको कोरियन प्रमाणपत्र वितरणमा गरिएको थियो । कार्यक्रममा अतिथिहरुलाई डोजाङले मायाको चिनोसमेत प्रदान गरेको थियो । हिराहरि तेक्वान्दो डोजाङका अध्यक्ष एवम् चौतारा साँगाचोकगढी वडा नं. ५ अध्यक्ष शिव श्रेष्ठको सभाध्यक्षमा गरिएको कार्यक्रमको सञ्चालन डोजाङका प्रशिक्षक रमेश गुरुङले गरेको थिए ।