उद्योग बाणिज्य महासंघका केन्द्रीय सदस्यमा व्यवसायी श्रेष्ठ सिफारिस

चौतारा । युवा व्यवसायी बेदबहादुर श्रेष्ठलाई आमामी चैत्र २८ र २९ गते हुने नेपाल उद्योग बाणिज्य महासंघको ५७औँ साधारण सभाका लागि जिल्ला र नगर तर्फको खुल्ला केन्द्रिय सदस्यको उम्मेद्बारका लागि सर्वसहमतिले निर्णय गरेको छ ।

महासंघको नीति अनुरुप उनी सिनधुपाल्चोक जिल्लाबाट सिफारिस भएका हुन् । सिन्धुपाल्चोक उद्योग बाणिज्य संघको अध्यक्ष होमबहादुर बस्नेतको अध्यक्षता चैत्र १ गते बुधबार बसेको संघको कार्यसमितिको पूर्ण बैठकले केन्द्रिय सदस्य कमलकुमार श्रेष्ठको समर्थनमा निवर्तमान अध्यक्ष बेदबहादुर श्रेष्ठ केन्द्रीय सदस्य उम्मेद्वारको लागि सिफारिस गरिएको संघको अध्यक्ष बस्नेतले जानकारी दिए ।

श्रेष्ठ सिन्धुपाल्चोक उद्योग बाणिज्य संघको अध्यक्ष रहँदा जिल्लाले प्राकृतिक विपद्को सामना गर्नु परेको थियो । विपद्हरुमा उनलेसरकारी निकायलाई नीजि क्षेत्रको तर्फबाट उल्लेख्य सहयोग गरेका थिए ।