चौतारा–झ्याँडी मोटरबाटो कालोपत्रे हुने

चौतारा । सिन्धुपाल्चोकको चौतारा–नवलपुर–मेलम्ची सडकखण्ड अन्तर्गत (चौतारा–पिपलडाँडा–झ्याँडी खोला) खण्ड कालोपत्रे हुने भएको छ ।

सो सडकमार्ग कालोपत्रे गर्न बागमती प्रदेश सरकार भौतिक पूर्वाधार विकास मन्त्रालयमातहत रहेको पूर्वाधार विकास कार्यालय, सिन्धुपाल्चोकले बुधबार बोलपत्र आह्वान गरेको गरेको छ । चौतारा पिपलडाँडा हुँदै झ्याँडी खोलासम्मको ८ किलोमिटर सडक कालोपत्रे गर्न ४२ करोडको लागतमा बोलपत्र आह्वान गरिएको हाे ।

भौतिक पूर्वाधार विकास मन्त्री युवराज दुलाल मन्त्री भएलगत्तै सो सडकमार्ग कालोपत्रे गर्न चासो देखाएका थिए । यो सँगै भौतिक पूर्वाधार विकास मन्त्रालयमार्फत जिल्लामा दर्जन बढी नयाँ योजनाको कार्य अघि बढेको मन्त्री दुलालको सचिवालयले जनाएको छ ।