राष्ट्रपति रनिङ शिल्ड प्रतियोगितामा रत्न राज्यले जित्यो ११ स्वर्ण

बराम्ची । जुगल गाउँपालिका वडा नं १ स्थित सेलाङ माध्यमिक विद्यालयमा सञ्चालित पाँचौं राष्ट्रपति रनिङ शिल्ड प्रतियोगिता सम्पन्न भएको छ ।

प्रतियोगितामा रत्न राज्य मावि चनौटे विजयी भएको छ । गाउँपालिका भित्रका १० वटा मावि मध्ये ९ वटा मावि सहभागिता भएको प्रतियोगितामा रत्न राज्य माविले सबैभन्दा बढी स्वर्ण पदक जितेर पहिलो बनेको हो । रत्न राज्यले ११ स्वर्ण पदक जितेको छ ।

त्यसैगरी प्रतियोगितामा १० स्वर्ण पदकसहित रामेश्वर मावि खमारे द्वितीय र ८ स्वर्णसहित सेलाङ मावि तृतीय भएको छ । विजेता विद्यालय, छात्रा छात्रलाई पदक, पुरस्कार, र प्रमाणपत्र प्रदान गरिएको छ । दुई दिनसम्म सञ्चालित प्रतियोगितामा कराँते, भलिबल, हाईजम्प, लङजम्प, दौड, ज्यबलिङ थ्रो, सर्टफुट रहेका थिए । सञ्चालित सबै खेलहरुमा छात्र–छात्राको अलग अलग प्रतिस्पर्धा गराईएको शिक्षा शाखा प्रमुख प्रदिप पराजुलीले जानकारी दिए ।

प्रतियोगितामा सहभागी भएर उत्कृष्ठता हासिल गर्ने सम्पूर्ण खेलाडि तथा सहभागी विद्यालहरुलाई गाउँपालिका अध्यक्ष रेशम स्याङ्बो, उपाध्यक्ष हिमाल कुमार श्रेष्ठ, प्रमुख प्रशासकीय अधिकृत लोकबहादुर विक, वडा अध्यक्ष लगायतको टिमले पुरस्कार तथा प्रमाण पत्र प्रदान गरेको छ ।