कार्यसम्पादन मूल्याङ्कनमा सिन्धुपाल्चोक प्रशासन ५३ नम्बरमा

चौतारा । गृह मन्त्रालयले सार्वजनिक गरेको कार्यसम्पादन मूल्याङ्कनमा जिल्ला प्रशासन कार्यालय सिन्धुपाल्चोक ५३ नम्बरमा परेको छ ।

देशका ७७ जिल्ला मध्ये ९१ अंक ल्याएर जिल्ला प्रशासन कार्यालय सिन्धुपाल्चोक ५३ नम्बरमा परेको हो । आर्थिक वर्ष २०८०/०८१ मा कार्यालयले गरेको कार्यसम्पादनको आधारमा नतिजा सार्वजनिक गरेको गृह मन्त्रालयले जनाएको छ । नतिजा अनुसार ९८ अंक प्राप्त गरेर रुपन्देही जिल्ला प्रथम बनेको छ ।

अपधार नियन्त्रण, विपद् व्यवस्थापन, मानव अधिकारको संरक्षण, नियमित सम्पादनलगायतका मापदण्डलाई आधार बनाएर गृह मन्त्रालयले प्रत्येक बर्ष कार्य सम्पादनको नतिजा सार्वजनिक गर्ने गर्दछ । अघिल्लो आर्थिक वर्ष २०७९/०८० मा सिन्धुपाल्चोक ६९ नम्बरमा थियो ।