स्कुल एक्टिङ आइडलको अडिशनको सुरु

काठमाडौ । नेपाली कलाकारीतामा सक्रिय हास्यकलाकार घनश्याम तिमल्सिना ‘एन्टिना’को संयोजकत्वमा विद्यार्थीहरुको अभिनय, नाटक कलालाई लक्ष्यित गरि स्कुल एक्टिङ आइडल नामक कार्यक्रमको अडिसनको थालनि गरेको छ ।

हरेक माध्यमिक तह सञ्चालित विद्यालयहरुमा गएर अभिनयमा रुचि राख्ने विद्यार्थीहरुको छनौट गरि केन्द्रिय कलाकार निर्णायक मण्डलद्वारा पालिकास्तरीय स्कुल एक्टिङ आइडलहुदै क्रमशः जिल्ला एक्टिङ आइडल, प्रदेश आइडल र अन्तमा स्कुल एक्टिङ आइडल नेपाल घोषणा गरिने कुरा कार्यक्रम संयोजक तिमल्सिनाले बताए । ‘हाम्रो टीमले नेपालका हरेक माध्यमिक स्कुलमा पुगेर अभिनयमा रुचि राख्ने विद्यार्थीको पहिचान गर्नेछौ र आवश्यकता परे अभिनय प्रशिक्षण समेत गराउँदै उनीहरुभित्र अन्तर्निहित प्रतिभा प्रस्फुटन गराउन अबको पाँच बर्ष लागि पर्नेछौ’, तिमल्सिनाले भने ।

दुई दशक अगाडिदेखी शैक्षिक डकुमेन्ट्री निर्माण गरि स्कुल स्कुलमा प्रदर्सन गराउदै हिड्ने गरेका तिमल्सिनाको यो अभियान सिन्धुपाल्चोक, काभ्रे, दोलखा, रामेछाप र सिन्धुलीबाट सुरुवात भएको आयोजक जनतरङ्ग मल्टिमिडियाले बताएको छ । स्कुले विद्यार्थीको आफ्नै मौलिक अभिनय कलाको प्रतिस्पर्धात्मक यो रियालिटी शोमा तिमल्सिनाको अलवा गीतकार मोहन घिसिङ र कलाकार नवीन गिरीसमेत जोडिएका छन् ।