संगठन विस्तारमा जुट्यो अखिल क्रान्तिकारी

चौतारा । सर्वोच्च अदालतले नेकपा (एमाले) र नेकपा माओवादी केन्द्र व्यूँताईदिएपछि त्यसको असर भातृसंगठनहरुमा पनि देखिएको छ ।

संगठन भिन्दाभिन्दै भएपछि अहिले सिन्धुपाल्चोकमा नेकपा माओवादी केन्द्र निकट विद्यार्थी संगठन अखिल क्रातिकारी संगठन विस्तारमा जुटेको छ । संगठन विस्तार गर्ने कार्य जिल्लाको सदरमुकाम आसपासका विद्यालयहरुबाट सुरु गरिएको संगठनले जनाएको छ । चौतारा साँगाचोकगढी नगरपालिका भित्रका माध्यामिक विद्यालयहरुमा संगठन विस्तारको कार्य सम्पन्न भएको संगठनका अध्यक्ष मिलन लामाले बताए ।

पहिलो चरणमा जिल्लाभरीका माध्यामिक विद्यालयहरुमा संगठन विस्तार गर्ने, दोस्रो चरणमा प्रशिक्षण भेला लगाएको गतिविधि सञ्चालन गर्न,े राजनीतिलाई नयाँ पुस्तामा बहसको विषय बनाउदै राजनीतिप्रति नयाँ पुस्तामा सकारात्मक धारणको विकास गराउने कार्ययोजना बनाई संगठन अघि बढेको लामाले जानकारी दिए । ‘पाटी छुट्टीएपछि संगठनका साथीहरुलाई अझ सक्रिय बनाउने काम सुरु गरिएको छ’, लामाले भने– ‘यो एउटा नेतृत्व विकासको अभियानको रुपमा समेत हामीले लिएका छौं ।’

संगठन विस्तारको क्रममा सिद्धिगणेश माध्यमिक विद्यालय सिरुवारीमा मेघप्रसाद चौलागाईको अध्यक्षतामा २७ सदस्यीय, सेतीदेवी माध्यमिक विद्यालय स्याउलेमा सुनिल श्रेष्ठको अध्यक्षतामा २३ सदस्यीय, जनजागृती माध्यमिक विद्यालय साँगाचोकमा राज गिरीको अध्यक्षतामा ३५ सदस्यीय, डडुवा भवानीशंकर माध्यमिक विद्यालय डडुवामा मिलन तामाङको अध्यक्षतामा २६ सदस्यीय, माध्यामिक तह कक्षा नौ र दशमा विशाल तामाङको अध्यक्षतामा ४५ सदस्यीय, सेतिदेवी पञ्चकन्या माध्यमिक विद्यालय कुविण्डेमा सागर सापकोटाको अध्यक्षतामा ५५ सदस्यीय र ज्ञान मन्दिर माध्यामिक विद्यालय मेलचौरमा र्सिजना गिरीको अध्यक्षतामा २४ सदस्यीय इकाई कमिटी गठन गरिएको संगठनले जनाएको छ ।