अखिल (क्रान्तिकारी) चौतारा क्याम्पसको अध्यक्षमा भुजेल

चौतारा । अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) चौतारा बहुमुखी क्यम्पसको अध्यक्षमा रोशन भुजेल निर्वाचित भएका छन् ।

बिहीबार क्याम्पस कमिटीको पाँचौ सम्मेलनबाट भुजेलको अध्यक्षतामा ३१ सदसीय कमिटी निर्वाचित गरेको छ । कमिटीको उपाध्यक्षमा अमृत श्रेष्ठ, मन्जित तामाङ र निशा घिमिरे, सचिवमा रश्मिला खत्री, सह–सचिवमा बिनोद नेपाली, दिनेश श्रेष्ठ र बिनिता श्रेष्ठ, कोषाध्यक्षमा मनिका श्रेष्ठ निर्वाचित भएका छन् । सम्मेलनले दुर्गा कार्की, मुना तामाङ, शिबहरी कार्की, सुदिप खत्री, सृजना उदास, अस्मिता आचार्य, मनिका दाहाल, सुष्मिता श्रेष्ठ, उदिषा श्रेष्ठ, सरस्वती नेपाली, संगिता श्रेष्ठ, युवराज श्रेष्ठ, सुकुला बस्नेत, निरुता बस्नेत र रश्मी श्रेष्ठ निर्वाचित गरेको छ । थप सदस्य पहिलो बैठकले मनोनित गर्ने जनाएको छ ।

सम्मेलनलाई सम्बोधन गर्दै अखिल (क्रान्तिकारी)का जिल्ला अध्यक्ष मिलन लामाले विद्यार्थीहरु शैक्षिक ज्ञानमा निपूर्ण हुनुको साथै बाहिरी ज्ञानमा समेत जानकार हुनुपर्ने बतौ । ‘अहिलेको हामी विद्यार्थीहरु नै पछि देशको प्रमुख क्षेत्रमा हुनेछौं’, उनले भने– ‘त्यसकारण शैक्षिक ज्ञानसँगै बाहिरी ज्ञान लिन पनि विद्यार्थीहरुको लागि जरुरी छ ।’ लामाले देशको शैक्षिक अवस्था उकास्नको लागि महत्यपूर्ण भूमिका खेलिरहेको अखिल (क्रान्तिकारीं)ले चौतारा बहुमुखी क्याम्पसमा शैक्षिक सुधारको लागि उल्लेख्य भूमिका निर्वाह गरेको भन्दै नयाँ नेतृत्वले थप कार्यक्रम र योजना ल्याउने विश्वास व्यक्त गरे ।

सम्मेलनमा अखिल क्रान्तिकारी जिल्ला आयोजक कमिटी सदस्य क्षितिज तामाङ, बेली दुलाल, हरी पौडेल, अर्जुन शर्मा लगायतले नव निर्वाचित कमिटीलाई शुभकामना प्रदान गर्दै विद्यार्थीले शैक्षिक क्षेत्रको उन्नयनमा भूमिका निर्वाह गर्नुपर्नेमा जोड दिएका थिए । प्रविण चौलागाईंको अध्यक्षतामा सम्मेलन गरिएको थियो ।