नेकपा (माओवादी केन्द्र) को जुगल ६ मा श्रेष्ठ

बराम्ची । नेपाल कम्युनिष्ट पार्टी माओवादी केन्द्र जुगल गाउपालिका– ६ को प्रथम वडा अधिवेशन सम्पन्न भएको छ ।

अधिवेशनले हरि श्रेष्ठको अध्यक्षतामा २९ सदस्यीय वडा समिति बनाएको छ । समितिको उपाध्यक्षमा सोम छिरिङ तामाङ, लोकबहादुर तामाङ, सचिवमा दीलकुमार तामाङ र सहसचिवमा नन्दराज श्रेष्ठ चयन भएका हुन् । वडा इञ्चार्ज ईन्चार्ज मिनबहादुर श्रेष्ठ बनेका छन् ।

कार्यक्रममा नेपाल कम्युनिष्ट पार्टी माओवादी केन्द्रका केन्द्रीय सदस्य माधव सापकोटाले पार्टी र संगठनलाई मजबुुत बनाउन सबै लाग्नुपर्नेमा जोड दिए । ‘माओवादी जनताको भावना बुझ्ने पार्टी हो’, उनले भने– ‘आ–आफ्नो क्षमता, दक्षता अनुसार पार्टीलाई मजबुद बनाउँदै लैजानु आजको आवश्यकता हो ।’

सो कार्यक्रमकै बीच विभिन्न परित्याग गरि दर्जनौं युवाहरु माओवादी केन्द्रमा प्रवेश गरेका छन् । उनीहरुलाई सापकोटाले स्वागत गरेका थिए । अधिवेशनमा नेता रेशम स्याङबोले भ्रमको खेति छर्दै हिँड्ने पालिका अध्यक्ष होमनारायण श्रेष्ठ जनताको सेवक नभई शासक बनेको आरोप लगाएका थिए ।

नेपाल कम्युनिष्ट पार्टी माओवादी केन्द्र जुगल गाउँपालिका उपाध्यक्ष ईश्वर गुभाजुले निर्वाचित कार्यसमितिलाई बधाई दिँदै सर्वसम्मत नेतृत्व चयनमा महत्वपूर्ण भूमिका खेल्ने सम्पूर्ण प्रतिनिधिहरुलाई धन्यवाद ज्ञापन गरे । पालिका इन्चार्ज पदमबहादुर श्रेष्ठले माओवादी पार्टी परिवर्तनको संवाहक भएको जनाउँदै निर्वाचित कार्यसमितिलाई बधाई तथा शुभकामना ब्यक्त गरेका थिए ।

कार्यक्रममा नेपाल कम्युनिष्ट पार्टी माओवादी केन्द्र प्रदेश कमिटिका सदस्य रवि सापकोटा, जिल्ला सदस्य बहादुर गोले, पालिका सचिव जंगबहादुर तामाङ, अखिल क्रान्तिकारी महिला संगठन सिन्धुपालचोक जिल्लाको अध्यक्ष अम्बिका नेपाल, वाईसियल, विद्यार्थी नेतालागायतको उपस्थिति थियो ।