गजल

चाहँदा चाहँदै उनैलाई, अर्कैलाइ लेखेर गयो जिन्दगी
लुकाउँदा लुकाउँदै उनको याद् सबै देखेर गयो जिन्दगी

साथ छुट्यो उनीसँगको, बिपनीमै अँध्यारो देख्छु अचेल
सपनीमा पनि उनीसँगको भेट छेकेर गयो जिन्दगी

हरपक्षबाट बलियो छ हाम्रो प्रेम भन्थिन् उनी पनि
आज नाता टुट्ने कमजोरीमै टेकेर गयो जिन्दगी

धेरै कुरा सोचेछु मैले उनीसँग एक नहुँदा नहुँदै पनि
याद् बाहेक सोच्ने सबै कुरा मेटेर गयो जिन्दगी

विस्वासको धागोले बाँधेर राखेको थें माया उनीसँग
आसा, भरोसा, विस्वास माया सबै चेतेर गयो जिन्दगी

जे चाहे त्यही छाडे कसको लागि थाहा छैन किन ?
नपाउने मायामा पागल भएको प्रेमिलाई भेटेर गयो जिन्दगी

रोएको मेरो मुटुभित्र हासेको उनको तस्बिर हेरी
दया र पश्चातापले आफैलाइ रेटेर गयो जिन्दगी
०००