अझै सुरु हुन सकेन मेलम्चीमा मतगणना

मेलम्ची । सिन्धुपाल्चोकको मेलम्ची नगरपालिकामा अझै मतगणना सुरु हुन सकेको छैन ।

मतगणनाको लागि बसेको सर्वदलीय बैठक विना निष्कर्ष टुंगिएका कारण मतगणना सुरु हुन नसकेको निर्वाचन अधिकृत निमा घिमिरेले जानकारी दिईन् । मेलम्ची नगरपालिका– ९ ज्यामिरे मतदान स्थलमा गन्जागोल, धाँधली गरेर निष्पक्ष मतदान हुन नदिएको भन्दै कांग्रेस बाहेकका अरु दलहरुले मतपेटिकाको मुचल्कामा हस्ताक्षर गर्न मानेका छैनन् ।

नेकपा एमाले, नेकपा मओवादी केन्द्र लगायतका दलहरुले मेलम्ची– ९ ज्यामिरेमा कांग्रेसले निष्पक्ष निर्वाचन हुन नदिएको भन्दै पुनः मतदानको माग गर्दै आएका छन् ।