विश्व कीर्तिमानी सिन्धु पुत्र तामाङको निधन

चौतारा । सबैभन्दा सानो उमेरमा सगरमाथा आरोहण गरेका सिन्धुपाल्चोकको लिसंखुपाखर गाउँपालिका– २ का विश्व कीर्तिमानी आरोही शम्भु तामाङको निधन भएको छ ।

हरिसिद्दीस्थित नेपाल क्यान्सर अस्पतालमा उपचारको क्रममा उनको निधन भएको हो । लामो समयदेखि क्यान्सर रोगबाट पीडित तामाङको ७० वर्षको उमेरमा बिहीबार बिहान १० बजे निधन भएको परिवार जनाएको छ । उनले १७ वर्ष ६ महिना १५ दिन उमेरमा सगरमाथा आरोहण गरेका थिए । तामाङले सबैभन्दा सानो उमेरमा सगरमाथा आरोहण गरेर ‘गिनिज बुक अफ द वल्र्ड रेकर्ड’मा नाम राख्न सफल भएका थिए ।

उनले सन् १९७३ मे ५ तारिखका दिन सगरमाथाको सफल आरोहण गरेका थिए । सगरमाथाको शिखर चुम्दा तामाङ मात्रै १७ वर्ष ६ महिना १५ दिनको थिए ।