शहीद सप्ताह सुरुः प्रेस सेन्टरले गर्यो शहीदको सम्झना

चौतारा । परिवर्तनको आन्दोलनमा बलिदान गर्ने सबै सहिदहरुको सम्झनामा शहीद सप्ताह सुरु भएको छ ।

शहीद सप्ताहको पहिलो दिन प्रेस सेन्टर नेपाल सिन्धुपाल्चोकले जनयुद्धको क्रममा शहादत प्राप्त पत्रकार एवम् साहित्यकार कञ्चन प्रियदर्शीकोलाई सम्झना गरेको छ । आईतबार साँझ भएको कार्यक्रममा नेपाल पत्रकार महासंघ सिन्धुपाल्चोकका अध्यक्ष एवम् सेन्टरको सल्लाहकार जीवन श्रेष्ठ र सल्लाहकार सुरेश कसजु लगायत प्रेस सेन्टर सिन्धुपाल्चोकको पत्रकारहरुले प्रियदर्शीको तस्विरमा पुष्पगुच्छा र मैनबत्ती बालेर श्रद्धाञ्जली व्यक्त गरेका हो । कार्यक्रममा अध्यक्ष जीवन श्रेष्ठले प्रियदर्शीको व्यक्तित्व, पत्रकारिता र राजनैतिक जीवनको बारेमा चर्चा गरेका थिए ।

प्रियदर्शीको २०५९ बैशाख १६ गते बलेफी गाउँपालिका– १ साँउबोटेमा तत्कालीन शाही नेपाली सेनाद्वारा गोली हानी हत्या गरिएको थियो । २०५१ सालमा नेपाल पत्रकार महासंघ सिन्धुपाल्चोकको सचिव र २०५३ सालमा उपसभापतिको जिम्मेवार बहन गरेका उनी पत्रकारितासँगै साहित्य क्षेत्रमा समेत क्रियाशिल थिए ।

कार्यक्रममा प्रेस सेन्टर नेपाल जिल्ला समन्वय समिति सिन्धुपाल्चोक सम्मेलन आयोजक समितिका संयोजक सुन्दर शिरीषले झापा विद्रोह, जनयुद्ध लगायत परिवर्तनको आन्दोलनमा बलिदान गर्ने सबै शहीदहरुको सम्झनामा एक हप्ता बलिदान दिवस मनाउने गरिएको बताए । उनले नेकपा (माओवादी केन्द्र) निकट जनवर्गीय संगठनको शनिबार बसेको बैठक अनुरुप १ हप्तासम्म विभिन्न कार्यक्रम गरी दिवस मनाईने जानकारी दिए ।

१० बर्षे शसस्त्र जनयुद्धको क्रममा शहादत प्राप्त गर्ने शहीदहरुको सम्झनामा एक फागुन १४ देखी २१ गतेसम्म सप्ताहव्यापी रुपमा शहीद दिवश मनाउने गरेको छ । जनयुद्धको पहिलो शहीद दिलबहादुर रम्तेललाई ११ बर्षको उमेरमा सेनाले नै हत्या गरेको थियो ।